芯記甜品小食

天水圍街坊介紹呢間格仔餅好好食，咁就即管試試。

5

因為坐低食，除左格仔餅仲叫左碗腐竹糖水。

1

嗱，個格仔餅係真係世一，佢係鬆脆路線唔係煙韌路線，輕力已咬開，多花生醬好滿足，暫時未食過其他格仔餅有相同嘅質感。天水圍咁遠真係都唔知幾時再有機會可以食到。

1

但碗糖水就真係麻麻，你見根本就係糖水加腐竹，腐竹都無煮溶，完全無腐竹味，都真係好吃力先食得晒成碗。


間舖衛生亦都麻麻，席間見有小昆蟲，怕嘅外賣會比較好。


好評只係俾格仔餅。