享樂烘焙

营业中

休息中

呢款包好多麵包鋪都有，今次就試下呢間！有大有細（$26/$16），揀個細嘅試下。我係隔夜食，用微波爐叮熱左。個包叮完有淡淡嘅蜂蜜味，入面好軟熟，外皮有咬口(未叮之前應該無咁軟)。甜就唔係好甜，正常健康裸麥包嘅味道，靠提子乾帶出甜味，加埋d核桃，口感豐富。唯一不足之處係料少左d，感覺可以加多少少（亦可能係因為我運氣麻麻，攞左個比較少嘅）。整體而言，呢個麵包都幾好食，蜂蜜香係加分位，令個味道瞬間提升左。原價hkd 16，夜割85折時買就好化算，鐘意健康d嘅不妨試下。