栢檔去骨海南雞飯 (已結業)

人到佐敦，午飯時間，選擇太多。想食海南雞飯好一陣子，早排銅鑼灣海南少爺新開人太多，見附近有呢間專賣海南雞飯店，就黎呢到幫襯下。一坐底個三色醬已經放係枱面，海南雞飯有大雞飯同埋中雞飯，分別係多過湯，要個大雞飯，湯好快黎到，紅蘿蔔粟米例湯，甜甜的，夠火喉。先試個飯，呢到雞飯較為乾身，飯帶有淡淡雞汁香的，不過覺我較為淡，個人喜歡重味點的雞飯。雞肉食落夠嫩滑，也可以的，皮薄薄的，無咩肥。地下有d滑，店員落單快，上菜快，收碟快，收錢快。 三十九蚊一個大雞飯，一試無妨。