校長燒肉日韓料理 (沙咀道) (已結業)

7點嚟到校長燒肉門口，見到大排長龍，不過好快就有得入，一入嚟見到呢間鋪勁大，入面裝修又有唔同嘅課室有指揮室，校長室，資料室，同埋情報室。一行五人，張枱有兩個燒烤爐仲有得打邊爐。一坐低時便送上鮮蝦/牛同埋豬應該算係比較高質素的肉。先去沙律吧望下先，有新鮮沙律菜/菜苗/蕃茄仔同泡菜等等。之後就去左拎魚生，佢有甜蝦三文魚油希靈赤貝鮮帶子，魚生都好新鮮，食左幾轉。食完魚生後，出去拎燒烤食材，去到出邊好多選擇，好多肉同埋丸，有雞肉豬肉牛肉腸仔豬頸肉粟米丸牛丸漢堡扒etc，款式應有盡有。另外也有好多熟食有燒賣，咖喱牛丸，菜，雞翼尖同埋蟹。至於蔬菜方面，有秋葵磨菇南瓜蕃茄粟米金菇蘿蔔生菜粟米。甜品有香芋奶凍/木瓜奶凍/朱古力蛋糕，仲有好多生果有西瓜/火龍果/哈密瓜/椰果/水蜜桃， 西瓜同埋火龍果好鮮甜。另外仲有好多茶提供，有洛神花茶玫瑰花茶苿莉花茶等。而雪櫃就好多汽水凍茶。其實呢間餐廳種類好多想食物，而且食物質素不錯，最重要係選擇繁多，唔怪之得咁多人排隊。