華星冰室 (筲箕灣東大街)

营业中

休息中

見朋友幫襯左好多好多次,自己就食左幾次咋,次次都係常餐,無試過佢其他野,今次真係要試下,平時佢d炒蛋已經夠哂滑,份量又真係十足。今次試下佢好出名既野校長多士,朋友都係食豬扒包,佢就好快有得食,可能我個個要焗,所以就等耐d,等左一陣終於都有得食,賣相都錯,d芝士真係想殺死我,好多好多,最緊要係用厚多士,不過鋪滿左黑松露醬係上面就影響左少少賣相,不過都無計佢顏色係咁,成個多士都好香菌香,加埋芝士又多,好濃既口味,不過成份食哂又唔會話太膩, 最緊要係個多士咁料係上面都仲夠脆,平時有料既多士焗完通常都會無咁脆,最緊要係佢價錢夠公道,絕對係茶餐廳價錢,高品質享受。整體黎講,佢D裝修其他野睇落都好乾淨,加埋d野食質素真係無得彈。