入到去~第1眼~我覺得員工d制服好型
坐低之後,員工好有禮貌叫我睇下食咩~雖然佢係一間茶記~但佢係好乾淨~最重要係連地下都好乾淨,非常少有!
我見到"重口味一丁"二話不說叫呢個啦~點知.......賣哂
oh...so sad!
我同老公一人一個常餐(叉燒意,火腿炒/煎蛋,好ge厚多士)+飲品再加一個校長多士
叉燒意,久違了的味道,而家去茶記係食唔到呢種細細個食叉燒意ge味道~湯底清清而有味
我地一個叫炒,一個叫煎蛋,先講炒~頂~超滑,果然係用3.6牛奶!煎蛋又要一讚~好耐冇食過d煎蛋係可以啜哂d蛋黃汁ga~而家出面果d得一半蛋黃汁,另一半已經熟左lu~c父煎得好好
多士,超厚超厚,微熱,岩岩好牛油溶左,好好味呀~
校長多士,一上台已經聞到好香好香~原來係黑松露ge味~嘩~~好香!食落去,真係啖啖黑松露ga
今日我地兩公婆食左好多多士~haha~~普通茶記價錢~有咁ge質素~good!!!
