庭園咖啡室 (裝修中)

大學既飯堂一向都係出哂名性價比高，今次我就黎到香港城市大學一試究竟。由又一城經時光隧道黎到城大，再轉左就會發現一間餐廳。餐廳有室内同室外既座位，感覺天氣涼爽既時候會幾舒服。我叫左個歐陸早餐配熱咖啡。你地一定會問歐陸早餐入面其實有啲咩？其實有雞扒、蕃茄、薯餅、煎蛋、火腿同多士。雞扒塊皮煎得幾脆，配上燒烤醬，酸酸甜甜都唔錯。另外蕃茄都幾甜幾新鮮。其實呢個餐都只係要$25，依個價錢係出面冇咩機會食到呢個質素既早餐，呢個就係大學canteen吸引人嘅地方。