影片
更多
2013-10-25
141 浏览
每年十月左近，就收到唔少工會單張、電郵，溫馨提示你又到入秋，蛇宴滿天飛，正所謂「秋風起，三蛇肥。」 不過，與此同時，山東板栗當造，又例見美心推出唔少栗子為主題嘅蛋糕、甜品，好似以往所見嘅鮮磨純栗子蛋糕、純栗子撻、純栗子杯…等等 。早前睇過本飲食雜誌，原來城中都有唔少出名嘅餅店，推出富創意、有心思嘅栗子甜品Mont Blanc及栗子蛋糕，一下子栗栗無窮，就算恆指牛皮，「栗指」都大升呀！一眾栗子迷不愁搵唔到心水選擇 。美心除照樣推出以前嘅經典系列之外，今年仲注入幾樣新元素，出咗幾款全新登場嘅產品，仲搵嚟人氣cool魔繼續代言，真喺地鐵見佢，報紙又見佢，雜誌都見佢 ，宣傳攻勢浪接浪。又見到有啲食家獲邀一試其新產品，霎時間，臉書、食評、個人網誌……都見到幾款新栗子產品嘅踨影。故此，相比起其他餅店嘅同類產品，佢哋嘅確喺較多人認識及談論，早前嘅彩虹蛋糕亦喺一例。小弟都唔執輸，襯老婆生日，就試試「紫醉甘迷」嘅魅力啦 ！ 「紫」醉「甘」迷 $118（試食價$98） 雖然份屬mini系列，但拎上手一樣好墜手。外層以鮮磨栗子蓉忌廉同紫薯蓉忌廉唧滿花，賣相幽雅，高貴優美，女生應該特別鍾意，而
早前睇過本飲食雜誌，原來城中都有唔少出名嘅餅店，推出富創意、有心思嘅栗子甜品Mont Blanc及栗子蛋糕，一下子栗栗無窮，就算恆指牛皮，「栗指」都大升呀！一眾栗子迷不愁搵唔到心水選擇 。
美心除照樣推出以前嘅經典系列之外，今年仲注入幾樣新元素，出咗幾款全新登場嘅產品，仲搵嚟人氣cool魔繼續代言，真喺地鐵見佢，報紙又見佢，雜誌都見佢 ，宣傳攻勢浪接浪。又見到有啲食家獲邀一試其新產品，霎時間，臉書、食評、個人網誌……都見到幾款新栗子產品嘅踨影。故此，相比起其他餅店嘅同類產品，佢哋嘅確喺較多人認識及談論，早前嘅彩虹蛋糕亦喺一例。小弟都唔執輸，襯老婆生日，就試試「紫醉甘迷」嘅魅力啦 ！
「紫」醉「甘」迷 $118（試食價$98） 雖然份屬mini系列，但拎上手一樣好墜手。外層以鮮磨栗子蓉忌廉同紫薯蓉忌廉唧滿花，賣相幽雅，高貴優美，女生應該特別鍾意，而花形圖案均勻，一個貼一個，全人手唧，實在花功夫又考餅師功力 。
今次由老婆操刀，成個蛋糕一開四，由底而上，層層相間，一層層海綿蛋糕夾一層鹿兒島甘薯蓉、沖繩紫薯蓉、山東板栗蓉，可以講食出多重滋味。當中以甘薯蓉比較失色 ，一來甘薯味道唔喺好強，二來就喺甘薯蓉做得比較薄層，影響味道發揮；而紫薯蓉及板栗蓉就相對顯得突出，尤其後者，特別粉香，清甜軟糯，果然不愧為無添加鮮磨栗子蓉，配上軟綿嘅海綿蛋糕，口感富層次。至於外層嘅鮮磨栗子蓉忌廉，質感依然幼滑，淡淡栗子香，比起純忌廉無咁肥膩，相反，紫薯蓉忌廉則較為挺身，入口紫薯味明顯，最好就喺整體甜度恰到好處，感覺輕盈。不過，有少少個人意見，既然叫「醉」，加點酒豈不更貼題，好似做意大利芝士餅咁加咖啡酒，既然佢用鹿兒島甘薯、沖繩紫薯，加啲柚子清酒 效果又如何呢？
今期嘅全新登場，除紫醉甘迷，仲有山東板栗果仁脆脆、栗子芒果卷、棉花糖栗子撻，幾款都好有興趣試 ！
张贴
