興華茶餐廳 (已結業)

炸雞髀🍗：10 x ❤️蔥油🍚：9 x 🧡冬瓜湯🥄：8 x 🧡奶茶☕：7 x 💛呢間街坊茶記雖然地點比較偏僻，但係生意認真唔錯，平日中午12點幾1點，都真係有唔少食客嚟幫襯。第一次過嚟，試咗招牌蔥油生炸雞髀飯同奶茶。雞髀應該係即叫即炸，所以新鮮熱辣，外皮酥脆，而且火候控制得好好，啲肉唔會太乾，同埋啲調味都相當好。蔥油嘅味非常之香，撈飯絕對一流。不過杯奶茶就差少少，可能因為客人太多，趕唔切做，做好之後又趕唔切即刻上枱，所以唔夠熱，影響咗口感同味道。