Chill Pill

今日想食Cafe，喺太子地鐵站搵吓附近有冇咖啡店。見到近洗衣街新世紀廣場附近有幾好feel嘅Cafe。裝修新淨，門面用上木嘅顏色，大大玻璃窗。鋪內有10幾張枱，店員俾咗張近窗嘅枱我哋，晚餐有個二人餐，包括南瓜粟米湯，柚子蜜糖雞翼小食，鰻魚飯，美國prime牛小排，同埋柚子牛角窩夫。柚子單骨雞翼夠refreshing, 加上蜜糖，好快清碟。香煎牛小排牛肉軟熟，上枱少少粉紅色，熟嘅程度剛好。鰻魚丼嘅魚唔係少份量，魚身都幾有厚度。白桃芒果冰茶夠清新。