影片
更多
2020-12-07
1801 浏览
大叔祖籍潮州，不過香港出世對講潮州話只係半桶水，不過對食方面有一份潮州感情，除咗潮州功夫茶、茶果、糖醋麵，仲有鹵水嘢都係令人回味。呢間滷水店之前有報導過，不過冇記喺心所以冇特別搵，今日機緣巧合見到喚起了印象，開頭我仲以為係可以堂食，原來間舖係冇座位只可以外賣，反正就買一盒返屋企加餸。大叔其實就樣樣都想食，卒之整咗個鹵水大拼盤，師傅切緊嘅時候，我就喺店外等候，仲睇下佢哋喺門面貼上報導，入面所講嘅大仔就係砌緊嘢嘅師傅，令我更加相信佢哋係真正正嘅潮州人，因為潮州人好興家庭式生意，一代傳一代傳承嘅傳統(我係潮洲人所以我知)，師傅嘅刀工確係鐵漢柔情，將大大隻嘅鵝變成一件一件同埋一片一片，鬼斧神工。我攞返屋企，屋企人以為我加咗人工（笑，呢個時勢講呢啲)，鵝肉係主角，豆腐墊底加上豬腸、豬耳、滷蛋、紅腸，屋企人繼續追問我點解會加餸(開始煩)。隨外賣有鹵水汁同醋，師傅話唔好直接放上去，應該要先放在碗中，食嘅時候先點嚟食。我夾埋一嚿不過唔係自己食，而係夾畀我媽先(主要係塞住佢把口)，鵝肉確係唔錯，鬆軟清香，甘而不膩，逐啖咀嚼令我回想呢種真正潮州鵝味道，阿媽食到幾滋味，問我貴唔貴？(其實唔太貴)除咗鵝肉之外
呢間滷水店之前有報導過，不過冇記喺心所以冇特別搵，今日機緣巧合見到喚起了印象，開頭我仲以為係可以堂食，原來間舖係冇座位只可以外賣，反正就買一盒返屋企加餸。
大叔其實就樣樣都想食，卒之整咗個鹵水大拼盤，師傅切緊嘅時候，我就喺店外等候，仲睇下佢哋喺門面貼上報導，入面所講嘅大仔就係砌緊嘢嘅師傅，令我更加相信佢哋係真正正嘅潮州人，因為潮州人好興家庭式生意，一代傳一代傳承嘅傳統(我係潮洲人所以我知)，師傅嘅刀工確係鐵漢柔情，將大大隻嘅鵝變成一件一件同埋一片一片，鬼斧神工。
我攞返屋企，屋企人以為我加咗人工（笑，呢個時勢講呢啲)，鵝肉係主角，豆腐墊底加上豬腸、豬耳、滷蛋、紅腸，屋企人繼續追問我點解會加餸(開始煩)。
隨外賣有鹵水汁同醋，師傅話唔好直接放上去，應該要先放在碗中，食嘅時候先點嚟食。
我夾埋一嚿不過唔係自己食，而係夾畀我媽先(主要係塞住佢把口)，鵝肉確係唔錯，鬆軟清香，甘而不膩，逐啖咀嚼令我回想呢種真正潮州鵝味道，阿媽食到幾滋味，問我貴唔貴？(其實唔太貴)
除咗鵝肉之外，其他鹵水嘢都好食，豬耳夠爽口，仲有最唔起眼嘅鹵水豆腐，夠入味，唔會乾爭爭。
以往阿爸食飯不發一言，但今次佢多咗嘢講，仲講返以前鄉下嘅往事，原來鹵水鵝令佢回憶甚深，咁今次我買得實在十分之值得，一家人嘅話題從微不足道嘅事件而引起確係神奇。
张贴
