潮福蒸氣火鍋 (已結業)

今早約左個同事一齊歎早茶 茶樓剛營業 食客已多但未係十分之滿 我坐低叫左茶之類 百無聊賴周圍望下....忽然聽到幾下打噴嚏聽 有食客嘅 亦有樓面職員嘅 我本身份人對別人喺公眾場所打噴嚏係幾敏感嘅～ 就喺呢刻我見到個著紅衫工衣嘅樓面阿姐打左個噴嚏仲噴到佢自己隻左手前臂 我於是繼續留意佢 見佢跟住嘅動作係申一申手上嘅衫袖 行入水吧 我仲心唸：幾好喎 識去洗手 點知佢再跟住嘅動作先嚇死人 佢當然吾係我想咁 去洗手啦 而係用佢啱啱受污染嘅左手前臂（脈搏位）去抹一抹自己個鼻 然後跟手用佢右手嘅手指再重複一次抹鼻個動作😖最恐怖嘅係隨手就喺水吧個柜攞左個壺開茶比茶客 唉.....我真係反反地胃冇耐我又下意識咁望入水吧 忽然見到另一個後生D嘅靚女又開茶比茶客 靚女樓面同樣地 用手取茶葉前 先用佢隻右手抓一抓個頭 抓一抓把頭髮 圈一圈耳 跟手用番同一隻手去執茶葉 沖茶！😵我明白 有時食肆嘅嘢 食客眼不見為乾淨 但親眼見到就吾會當冇見過 佢地大個黑色套裝經理都喺樓面工作 但經理都吾理 所以我唸我吾會再黎呢間嘢飲茶