影片
更多
2013-01-02
970 浏览
公司大概每兩個月會有一次公司晚飯, 意謂"加強各員工之士氣".日本菜主張自然, 無添加, 不造作. 經投票下選了此店, 原因是地點位於尖沙咀正中央, 方便各同事晚飯後回家!現在好多大小食肆都喜歡大排長龍不設訂位. 但假如可以先訂位的, 就請預先訂位. 我早一星期就訂好位, 包房最低消費為$3500, 以往經驗都一定超過~入席時間晚上7時, 當時入面一隻貓仔都冇, 非常冷清. 但不到30分鐘, 已坐滿客人, 開始嘈吵. 我們先每人一杯柚子酒, 很清甜, 果汁味重易入口, 但到喉嚨位時酒味好出! 其實非常適合女士. 刺身分3個level, 礙於burget為大概每人$500, 不敢叫最貴的一款, 選了中價. 魚類如三文魚, 拖羅都算新鮮. 海膽不夠鮮味. 最欣賞是牡丹蝦. 一份只有兩隻, 好彈牙. 赤貝同事說都不錯! 一客兩件的焗蠔, 叫了四客. 蠔size如手掌般大. 芝士味超濃, 似有幾種芝士配搭, 只是有點點蓋了蠔味. 前菜叫了酒釀蕃茄. 吃得出蕃茄非常新鮮. 一陣陣玫瑰露味滲出會讓人食指大動!!每次同公司吃日本菜, 這道都必點的, 一個分4份已經足夠.其他前菜還有半生熟的牛刺身,
日本菜主張自然, 無添加, 不造作. 經投票下選了此店, 原因是地點位於尖沙咀正中央, 方便各同事晚飯後回家!
現在好多大小食肆都喜歡大排長龍不設訂位. 但假如可以先訂位的, 就請預先訂位. 我早一星期就訂好位, 包房最低消費為$3500, 以往經驗都一定超過~
入席時間晚上7時, 當時入面一隻貓仔都冇, 非常冷清. 但不到30分鐘, 已坐滿客人, 開始嘈吵.
我們先每人一杯柚子酒, 很清甜, 果汁味重易入口, 但到喉嚨位時酒味好出! 其實非常適合女士.
刺身分3個level, 礙於burget為大概每人$500, 不敢叫最貴的一款, 選了中價. 魚類如三文魚, 拖羅都算新鮮. 海膽不夠鮮味. 最欣賞是牡丹蝦. 一份只有兩隻, 好彈牙. 赤貝同事說都不錯!
一客兩件的焗蠔, 叫了四客. 蠔size如手掌般大. 芝士味超濃, 似有幾種芝士配搭, 只是有點點蓋了蠔味.
前菜叫了酒釀蕃茄. 吃得出蕃茄非常新鮮. 一陣陣玫瑰露味滲出會讓人食指大動!!每次同公司吃日本菜, 這道都必點的, 一個分4份已經足夠.
其他前菜還有半生熟的牛刺身, 一客12片, 每片上面有wasabi, 可以沾醬油. 但相比下我寧願吃熟牛, 例如肥牛或者牛肉鍋. 這道菜並不見突出.
至於溫泉蛋沙律也不見得好特別, 有新鮮西生菜, 蓮藕, 半生熟三文魚, 幾片芝士. 芝士味不濃, 溫泉蛋攪拌沙律吃. 不太受歡迎.
另一道是冷豆腐, 今次不是沾醬油, 而是在已灸過的豆腐上放刺身, 蟹子等食材. 一客4件, 但都吃不完..
炸蝦天婦羅也是必食菜. 要做到不太炸不太油很難. 這店做到了. 用上大蝦好彈牙 炸粉不多, 都不算油. 只是份量太少, 叫了兩客.
清酒在日本料理上也是不可多得! 清酒我喜歡喝溫的. 但這次選了冷的, 酒味就變得不重, 但好清甜. 酒瓶很特別, 而酒杯可以以個人喜好挑選, 各有特色. 所以都拍照留個念
焦糖抹茶布甸得我一個揀. 自從在京都吃過宇治抹茶雪糕, 就對這個味道念念不忘. 外間的抹茶製品都帶甜. 但我喜歡是一陣陣的苦澀味! 抹茶粉好重要. 加了焦糖面變成先甜後苦呢! 雞蛋布甸好滑, 再喝杯熱綠茶, 好円満!~
另外有同事叫了3色雪糕, 包括抹茶, 紅豆, 柚子口味. 我每款試了覺得一般.
飯焦茶漬泡茶在外面也是較少見. 飯焦浸在熱湯裡, 開始發出"咯咯"聲. 我沒有試, 單看就覺得好吸引.
今次仲點了好多串燒, 但上載照片數量有限, 只可用文字表達.
這個串燒拼盤要乜有乜, 一串三粒的菠羅好甜, 銀杏都好味. 反而最常吃的雞翼, 牛舌, 雞軟骨就做得馬虎.
也叫了薯仔煮牛肉, 非常住家的一道菜. 但因為其他菜做得不錯, 這個變得遜色了.
還有肥牛卷雜菜都好一般. 都係吃最大路的最好~
整體上叫做合格, 尤其看到維多利亞港上演激光匯演就值回票價. 美中不足係人手不足, 上菜超慢. 加上坐房, 真係叫天不應叫地不聞 就算叫了, 都會唔記得又要再落order.. 埋單都好慢, 一來一回等了30分鐘
题外话/补充资料：
P.S. 星期一至五用CITYBANK有9折優惠, 不要錯過!
(以上食记乃用户个人意见 , 并不代表OpenRice之观点。)
张贴
