豪宴海鮮酒家

晚上與家人到豪宴食飯，剛坐低冇耐，就見到水壺上有隻手指甲咁大既曱甴係水壺口爬出。即時同職員講，咁岩隻曱甴已爬左落枱，職員只係施施然拎走個水壺。然後我地已經不停話要換枱，因為隻曱甴爬左落枱底，我地好驚。但d職員完全冇理，我地已經企埋起身，好多職員都唔理我地！

最後要我地再捉住一個職員講我地要換枱，佢先換比我地！當時個場有超過一半空位，d職員亦好得閒圍埋一齊傾計，我地亦未開始食，所以換位完全唔係好麻煩佢地，佢地既處理手法真係差到冇野好講！嬲到我當時幾驚都好，都要影張曱甴相！

其實我明白食店有曱甴好正常，佢地都阻止唔到，但佢地既處理方法真係令我好嬲！如果唔係約左好多親戚一齊食飯，一定唔會再留低食！

1

爬左落枱底既曱甴

1