同樣係weekend, 但因為落住微微細雨，少人入西貢，雖然都有人企係門外面睇（門外面有個伯伯賣果jam），但我地兩個人一到就可以入去坐低喇！
未坐低，見到牆上黑板推薦己經立即target 呢個士多啤梨果醬燒豬肋骨！！一上菜，見到薯角上滿滿既芝士粉已經覺得真係極邪惡！！
豬肋骨好易切，d .肉都好易咬，重點係佢d 士多啤梨jam,酸酸甜甜，冇諗過同肉可以咁夾，食落亦冇咁濟，除左gimmick, 味道亦一流！
真。紅豆冰，係menu 見到真係爆好奇hahahha, 呢個用法究竟100毛抄佢定佢抄100毛呢？食落應該係將煲林左既紅豆雪成冰再好似整smoothie 咁打碎，d 紅豆唔使逐d “不”黎咬，而且啖啖“紅豆冰”，岩哂我呢d 懶得不，又懶得咬既人！
木瓜雪耳鮮奶，本身以為會有d 中式feel, 清清地糖水feel, 飲落好surprise, d 熱辣辣既奶又濃又滑，加埋甜甜既木瓜雪耳果jam, 冬天飲真係暖粒粒，充滿幸福感！！
總括而言，真係超鐘意lets jam !唔怪得呢到成日都大排長龍！希望下次再黎唔係落雨天啦！！
