一起果醬 (已搬遷) 新店位置

今日一個心走入西貢行下，難得放假就去西貢親親一下大自然，坐船出去玩之前要食餐飽先。西貢有間果醬cafe好有人氣，我就去試下。餐廳座位唔多，我12:00到都要等一陣先有位。好多果醬系列既食品。士多啤梨醬燒豬肋骨。無肉不歡既我捨棄左All Day Breakfast，叫左個豬肋骨過下口癮。豬肋骨肉質鬆軟焗得好軟腍，士多啤梨醬清甜和豬肋骨好配合，的確夠驚喜。木瓜雪耳鮮奶。木瓜雪耳好足料，加上鮮奶入口好滋補健康。