一起果醬 (已結業)

朋友同我講佐敦松山道有間專門研究天然果醬嘅餐廳，我心裡想果醬一定甜到漏啦，我好討厭甜食尤其是果醬，但朋友盛意拳拳推介就跟佢一齊“一起果醬”，“Let's Jam” 一下啦～😆😆😆😆好啦嚟到一起果醬，點都要食佢哋嘅特色食品果醬九宮格多士🍞嘩~9格不同味道的果醬一次過滿足你愛Jam的願望🌟⭐🌠。 我有問侍應九宮格的果醬是否天天一樣，他說不是的，果醬是random的，又幾有秘密感喎~多士非常厚身， 外很酥脆，內面好軟身，麵包有一陣奶香。講番d主角先有不同味道及不同顏色的果醬又真係相當吸引喎，初初真係以為會好甜但食落又覺得好有鮮香果甜味， 不是假甜果真天然製造喎😉😉😉。 9個果醬裡面我本人就比較喜歡桂花雪梨味，因為感到好清新好滋潤好鮮甜。冇可能嚟到淨係食一樣嘢㗎，梗係要食埋all day breakfast🍳🍽 同埋玫瑰蘋醬單骨雞翼🐥🐤。主餐同小食都不錯，份量十足，味道正常， 飽到要捧腹離開餐廳，哈哈🤣🤣🤣同場加映“榴槤” Jam 仲可以試味， 身為榴槤迷嘅我一定要試喇😋😋😋榴槤好香濃，果醬質地好滑，榴槤嘅甘香甜味係口腔度徘徊，好正喎~ 一樽榴槤果醬$108蚊唔算好貴，好想買佢返屋企呀～😆😆😆