火鍋撚 (雲明行) (已結業)

有趣的名字「火鍋撚」。咁撚手的火鍋，點都同朋友試試一行到入去 ，已經嗅到陣陣麻辣的香味 ，環境都幾特別，古式優雅。呢度比較招牌係紅白鍋，紅湯為麻辣湯，用上過10款中草藥如黨蔘、川芎和當歸等，湯頭濃郁鮮味帶微辛辣，香噴噴。而白湯則有人蔘，忌廉和牛乳調製，湯呈乳白色，很鮮味。湯內的鴨紅可以不停refill ,口感煙韌滑嫩，不鬆散，幾得意的。蜂巢豆腐唔會一夾就爛，仲吸晒D 湯汁。仲有 8秒 肥牛，入口十分之香滑。而掛住的係安格斯肥牛，入口都很軟滑，牛味濃郁。黑松露墨魚滑 ，十分鮮味，有微微的黑松露味滲透出來，唔會太濃郁蓋過墨魚鮮味。桶蠔隻隻都很肥美，滑不溜口。飲品 : 冬瓜檸檬莎莎＆水蜜桃沙沙 ， 沙冰打得十分幼細 ，慢慢冰塊溶掉成水，夠晒冰涼。最尾會送上白果腐竹沙冰作甜品，賣相討好，個杯又好特別，非常清潤，感覺很特別。