幸福班戟 (已結業)

今日難得放假就同朋友去試下傳聞中好好食嘅幸福Pancake🥞今日去個時係6點幾，人流唔算太多，我地都係排左半個鐘就入左去。入左去落單後大約等左20分鐘有得食了。而我地今次叫左原味同埋香蕉朱古力味。一黎到，Pancake散發著一浸好香嘅蛋香味，而且外觀咁睇真係好吸引，而且感覺好鬆軟😋一食落去果然無令我失望，蛋味十足，而且口感鬆軟，入口即溶！十分有水準！再淋上糖醬一齊食，味道亦不會再過甜，反映更有層次。👍🏻另外，香蕉朱古力味相比起原味反而無乜特別，但對於個Cream就非常有驚喜，好滑但又唔會過甜，而朱古力醬我個人覺得就無乜突出之處啦，係普通嘅朱古力醬。