新泰東南亞餐廳 (太子集團中心) (已結業)

放工約埋三五知己一齊去食泰菜，今次選址嚟到新泰，一入門口，完全係泰國風味，覺得自己去咗泰國咁，幸運地，可以選坐卡位近窗望到街景，一坐低急不及待就叫嘢食，款式多籮籮，當然叫咗我最鍾意食嘅生蝦、串燒、金邊粉、咖喱、芒果糯米飯等等等等，食咖喱嘅時候記住記住要叫埋嗰個印度薄餅啊，配上咖喱汁真係一流，之後仲叫咗一個軟殼蟹，juicy又惹味啊，仲有脆卜卜，唔錯嘅選擇！嘢飲方面，我就揀咗椰青，椰青夠熟夠甜，啲椰肉輕輕一刮，都可以食到，如果鍾意食泰國菜的你，不仿約埋三五知己嚟呢度試一試啊！🥰