麥當勞 (香港沙田萬怡酒店) (裝修中)

尋日（12-1-2018 Fri），麥當勞出$10.00嘅士多啤梨蛋糕脆脆麥旋風，就同女同事CY食完飯嚟買，一人一杯。買完返公司熄冷氣食，睇睇杯嘢，大概只有半杯，所謂士多啤梨就係淋喺新地上嘅士多啤梨漿，食落，好彩味道又唔係完全一樣，甜少少；雪糕新地嘅雲呢拿味夠；而脆脆.......竟然就係威化筒碎，重要唔多。食完新地就見到放喺底嘅蛋糕，兩件仔嘅蛋糕都係雲呢拿味，但都幾甜吓。整體感覺又係被搵笨。服務:我同CY去到，我排收銀o個邊俾錢，CY排八達通o個邊，我o個條龍只有3個人，唯一一個收銀攪好耐至攪掂個要包唔要肉o既印度人，之後佢竟然唔見o左人，重有人龍o個喎，咁都得？最後係CY用八達通買o左。