影片
更多
2017-03-12
2192 浏览
極尚大喜屋給我的印象，就係超多人响門外排隊。趁住老公夜晩約咗朋友，我一收工就立即走過去試吓係咪真係咁好味~可能我一早 book 咗，同埋來得夠準時，所以唔駛排隊。一入去，就覺得枱與枱之間算排得幾密，當時我拎住的嘢都唔少，都要小心咁行唔好撞到其他人。打開菜單，提供的菜式可真不少，而且仲好有特色，所以我先叫一罐飲品，一邊飲一邊點。刺身類點菜單寫明是 "新鮮即叫即做"，所以我點了 松葉蟹腳、響螺片 和 甜蝦。蟹腳和螺片食落帶點海水味，而甜蝦肉質係一啜成條 sin 入口，真的很新鮮。壽司、卷物、手卷、軍艦類蒲燒鰻魚 和 牛油果軟殼蟹卷 的 size 較為迷你，我可以形容它們為一口壽司，味道很香滑，原汁原味。其實我一直唔太好食海膽，但我都先後點了 海膽赤蝦 和 海膽軍艦。海膽質地超滑，而且好濃海水鮮味，今次係我第一次自己食完整件海膽而唔反感。自從响沖繩食過海葡萄之後，真係一試難忘，而呢個海葡萄加响蝦上面，增加了咬口，唔會淨係食蝦壽司咁悶。而 香蒜牛油燒青口 是又一驚喜，一放入口就感覺到蒜味和牛油味好鮮明，但味道又不會互搶，配合青口真係好香滑，真係唔可以唔食。然後食 鵝肝帶子，整件放入口是覺得鵝肝
趁住老公夜晩約咗朋友，我一收工就立即走過去試吓係咪真係咁好味~
可能我一早 book 咗，同埋來得夠準時，所以唔駛排隊。一入去，就覺得枱與枱之間算排得幾密，當時我拎住的嘢都唔少，都要小心咁行唔好撞到其他人。
打開菜單，提供的菜式可真不少，而且仲好有特色，所以我先叫一罐飲品，一邊飲一邊點。
刺身類點菜單寫明是 "新鮮即叫即做"，所以我點了 松葉蟹腳、響螺片 和 甜蝦。
蟹腳和螺片食落帶點海水味，而甜蝦肉質係一啜成條 sin 入口，真的很新鮮。
壽司、卷物、手卷、軍艦類蒲燒鰻魚 和 牛油果軟殼蟹卷 的 size 較為迷你，我可以形容它們為一口壽司，味道很香滑，原汁原味。
其實我一直唔太好食海膽，但我都先後點了 海膽赤蝦 和 海膽軍艦。海膽質地超滑，而且好濃海水鮮味，今次係我第一次自己食完整件海膽而唔反感。
自從响沖繩食過海葡萄之後，真係一試難忘，而呢個海葡萄加响蝦上面，增加了咬口，唔會淨係食蝦壽司咁悶。而 香蒜牛油燒青口 是又一驚喜，一放入口就感覺到蒜味和牛油味好鮮明，但味道又不會互搶，配合青口真係好香滑，真係唔可以唔食。
然後食 鵝肝帶子，整件放入口是覺得鵝肝 和 帶子的質地都係滑得像入口即溶，但鵝肝太少唔多夠喉，所以忍不住點了個 鵝肝手卷。件鵝肝都很厚身，咬落去啖啖肉，入口即溶，無得輸~ 但一定要立即食，否則外圍塊紫菜腍咗會影響口感。
燒物類食日式放題，燒物真係走唔甩。
鹽燒牛舌 燒得好香，食落肉質嫩滑，而 鹽燒海蝦 聞落香噴噴，肉地很 JUICY。
雖然 燒雞軟骨 d 骨比較細粒，但是咬落粒粒卜卜脆，爽YY~
而呢碟 風味淋燒魚干，比起我响出面食過的同類食品，呢個真係好夠厚同乾身，真的好惹味。
一品料理蒜片炒牛柳粒 肉質很軟，而且切得細細件，很容易入口咬開，加上蒜片也炒得很香，我一併也食得所剩無幾。
而 蒜茸露荀炒珊瑚蚌 不但有蒜香，仲有芝麻香，覺得食落有少少似魷魚。
甜品其實店內係有兩款有名的雪糕供應，可惜食唔到太凍的食物，所以點了 法式燉蛋 作結了~
张贴
