六両三.台灣食堂 (已結業)

觀塘原來都有六兩三，仲有火鍋。兩個人叫左一碗半筋半肉牛肉麵加鹽酥雞同埋火鍋set share。半筋半肉牛肉麵肉同麵嘅份量都唔欺場，湯底有陣外面少見嘅甜味，加埋辣牛油再惹味啲。牛筋同牛肉都煮得夠淋，果然係靠牛肉麵起家。鹽酥雞新鮮炸起，肉唔會太乾，調味都幾台。麻辣火鍋湯底本身包左鴨血同豆腐，湯底都相當辣，唔太食得辣建議問下有無小辣或者揀其他湯。我揀左梅花肉，肉片都幾大塊，加錢可以揀唔同款牛肉。菜盤仲有火鍋料，兩個人share都夠食。主食揀左少見既王子麵，超掛湯（即係超辣，哈），麵質比較易淋，記得睇火。西柚茶奶蓋白桃烏龍兩杯都幾有茶飲店感覺，茶底係出色嘅。