峰壽司 (已結業)

同屋企人朝早黎左屯門既峰壽司,等位人數唔多,而且叫位既速度都幾快...一去到坐低,咦?原來有個pad比你自己點菜.都幾方便喎!我地今次叫左一大堆壽司,有赤貝,魚背壽司,海膽壽司,帶子,三文魚三吃,峰海鰻,芝士蟹籽炸軟殼蟹壽司,"澡"酲魚,芥辣八爪魚,墨魚仲有一碗mini炸魚餅烏冬! 要一段段介紹就好悶的,我遂一介紹吧!魚背壽司:可算是我心目中no1.既峰代表作!而價錢只係$18咋!佢係愈咬愈有油香,而且脂肪比例高,似十足食拖羅,肉質帶點爽口,高度推介!海膽壽司:價錢頗貴,但值得!海膽甘香鮮甜,入口即溶,冇坊間便宜貨既腥臭味!而且有青瓜片,添清新感覺帶子壽司:我心目中no2.既峰代表作,抵食夾大件,係真係超大件!一入口比濃濃帶子鮮甜味充斥,肉質軟軟稔稔,老人家都可以咬到,不過一定要點豉油!三文魚壽司三吃: 有一種是火炙,另外2種是生食,老實講冇乜特別,不過有加上如沙律醬等調味料,我自己比較寧願原汁原味沾豉油峰海鰻:我心目中no3.既峰代表作,比普通鰻魚貴,有乜分別呢?佢係燒到比較乾身,而且邊邊有少少脆唔係一條鰻魚肉平放飯上個種,入口乾脆,醬汁甜甜,鰻味都突出,也值回票價芝士蟹籽炸軟殼蟹壽