平日7點鐘去到都坐左5成人, 食到最後門口仲要等, 人氣相當高!!
餐廳係自助形式, 睇完MENU可以自己去收銀處落單, 食物就會送到上枱, 速度都算快!
叫左1個招牌紅燒牛肉麵($58), 1個牛筋腩拌麵($64), 1個鹽蘇雞滷肉飯便當($54)~
招牌紅燒牛肉麵麵質相當彈牙, 湯頭好濃好香, 牛肉非常淋, 係香港黎講算係好高質既牛肉麵, 好有台灣既味道, 超正
牛筋腩拌麵既麵質都係好彈牙, 又唔會漿埋一齊, 不過D牛腩就比紅燒牛肉鞋口, 不過都係高質的!!
反而個滷肉飯就比較淡口, 個汁唔夠色唔夠咸, 鹽蘇雞就炸得好好, 有成8粒, 都算抵食!
