小曼谷泰國美食 (教育路) (已結業)

之前不嬲食九龍城，元朗都開小曼谷，咁近，當然要幫襯吓！星期六lunch time，早小小到，未係好多人，仲有位，唔洗等！Lunch 多數會嗌番lunch set, but 係為食咖哩蟹包黎，所以唔理咁多，照嗌！咖哩蟹包: 真係好大個，同行朋友仔無義氣，真係唔幫手，幾乎自己一個人食曬！咖哩好creamy, 甜甜的，小小椰子味，唔係非常重！包同軟殻蟹分開上，包入面本身都有好多菜，通菜，洋蔥，青椒。。。包入面都入曬味，浸得耐，食到後尾有包有d鹹，可以早d倒d咖哩岀黎，唔好浸咁耐！海鮮炒飯: 好大份量，味道正正常常，跟餐包埋湯同嘢飲！湯抵贊，唔係d清水蘿蔔湯，係冬陰公湯，雖則唔係太濃味，但都幾捨得用料，味道都唔差！總括黎講，好滿意嘅一餐！嘢食質素保持到，服務態度都非常好！會再幫襯！