靚靚 不一樣的車仔麵

放學摺完拉把，就同朋友近近地去尖東食晚餐～
左揀又揀~最後決定食：靚靚 不一樣的車仔麵！

豬軟骨飯套餐，車仔麵

朋友揀左豬軟骨飯套餐；我就嗌左車仔麵，配料揀左魷魚& 酸齋～
湯底好濃，整體味道不過不失 
特別之處係酸齋上面有平時係台式飲品先見到既爆珠！！

之後我地見到店內poster 車仔麵檔竟然有分子料理食？！
貪得意叫左個「初榨魚露雞」$16

初榨魚露雞

$16

成分包括：用魚露製成既泡沫+雞肉+炸紫菜+芝士？
雖然賣相一般，但係呢個價錢冇得輸啦～
係好有新鮮感既平民分子料理！而且味道好豐富！

好欣賞小店既創意😂😂果然名副其實係「不一樣」呀！