TicTacToe (已結業)

與朋友的午餐小聚，誰知竟是一場噩夢，是我數一數二不愉快的用餐經歷。我們中午一點左右落座點餐（都是意粉之類set lunch，不需長時間烹煮），大半個鐘之後仍然不見食物的踪影，詢問侍應也只是回答“整緊！” Ok繼續等。接近1:45pm（就來餓暈）時有個男侍應突然行過來好大聲問“你哋點咗咩？” 跟住仲好激動咁怪責我哋 “你哋轉咗位！周圍都搵你哋唔到！” 我同朋友好愕然，我哋由頭至尾都坐定定等嘢食，根本無轉過位。好明顯係你搞錯（記錯？or老屈？）之餘仲要向客人發脾氣。 我哋即刻澄清話無轉過位，同埋你點解咁嘅態度 （嗰刻真係感覺有啲反胃）。佢好快都發現自己理虧，但就無任何解釋和道歉，反而係遠遠避開我哋。結果我哋等足50分鐘先開始上食物。食物質素都算一般，但其實已經被激到無晒胃口，個侍應由頭至尾連句對唔住都無。咁嘅態度，唔好話服務/餐飲行業，喺咩行業都不可接受。若非周圍人多又趕時間，我會留低同佢理論並要求道歉。p.s. 間餐廳擺太多張枱，坐得好迫之餘廚房都負荷唔到。到我哋2點離開時見到有幾張枱仲追緊食物.... 來呢度食嘢要有以下心理準備：(1)餓到暈; (2)比人老屈; (3)睇人面色。