板長壽司 (已結業)

今晚黎左元朗嘅板長壽司，之前黎元朗店都係外賣自取，見到都係無乜人。可能係情人節關係，要排隊，不過只係等幾張，好快有位。板長食物水準不嬲都好平均，招呼ok喇，今次都唔例外，大部份都新鮮，叫左一般會叫嘅壽司外，今次有期間限定款式。仲有好特別嘅筷子籤筒添。筷子籤筒，攞雙筷子出黎有大吉、中吉同小吉架正常嘅三文魚腩壽司，帆立貝壽司，馬刀貝壽司 (超爽脆!)火炙佐賀和牛壽司 (火炙完好香! 同埋好腍)，油甘魚壽司 (柚子醬)，生赤貝壽司 (比想像中鮮味)原條海鰻魚壽司蔥粒吞拿魚軍艦，芥辣墨魚軍艦Toro (始終都係香港質素......)火炙鵝肝壽司 (以前火炙完出黎好香，口水都流埋，好食好多，依家就……)最後有鮫鰈魚壽司同埋鮫鰈魚背壽司，係期間限定，不過無乜特別，味道平凡通常諗唔到食咩，都會考慮下黎唔黎板長，因為會員有優惠麻.... ^^