板上 (中海日升中心) (已結業)

板上係哩條食街度開左吾係幾耐 主打做日式便當飯盒，價錢都合理😆 而且環境好大好舒服 好岩放工chill下 同朋友去傾下計！地方主要分兩邊 一邊係高台 一邊係低台！高台果邊主要都係拎餐位， 低台果邊就有野飲， 例如： 啤酒同咖啡等等！電視都好多，可以睇世界盃！ 哩個環境下睇波 真係好有氣氛！而且仲有個coffee bar, 慢慢歎咖啡！佢下午茶時間先有薄餅果d食下 而且做緊優惠 買咖啡加$10都有件cake la! Cake 既選擇吾多既，例如有朱古力松露蛋糕, 檸檬鐽， 提拉米蘇等等！我地都叫左小食， 大板燒， 吉列蠔同跟餐雞翼！大板燒份量好大， 咬落塊好結實， 配埋沙律醬食都幾飽下！ 吉列蠔都係必點！ 超新鮮即炸！ 咬落去肉汁爆哂出黎 好甜！ 雞翼+$8就有4件， 雖然係單骨雞翼， 都係都夠食！ 正餐點左個鯖魚便當同黑豚漢堡！便當🍱真係好重料，有魚 中華沙律 栗米等等！ 霸配埋杯洛神花蜜！鯖魚好清甜，仲配埋個汁比我地！漢堡好厚肉，配埋個薯條🍟！野飲都偏甜， 建議較小d糖，比較無咁重口味！ 總括而言，如果同朋友去食飯絕對大大推介，環境舒服 測食都吾錯，最平都係$40幾一個餐！