Golden Diamond Truffle (已結業)

K11 Musea有不少餐廳，數到最喜歡，仍然係B2層的食店，款式種類亦較多，幾有新鮮感。恰好睇中呢間Truffle手搖飲品店，大概係我試過最矜貴的飲品！店内也有圖片説明品嘗松露奶蓋的最好方法~《松露奶蓋柚子南非國寶茶 $60》即席刨上新鮮原片松露片，實在看得興奮！獨特的松露香氣芳香撲鼻，其幽香及餘韻更在口腔內徘徊。配合口感濃厚幼滑、味道帶酸甜的奶蓋，加上清新香甜的柚子，中和了奶蓋的膩感，味道出奇地好飲，幾有層次及驚喜。《松露流心蛋香燻肉千層酥 $70》有幾款小食，試左望落最吸引、好似蛋餡餅既千層酥。賣相精美，外層金黃酥脆，面頭佈滿原片松露、煙肉條，中間仲有一隻流心蛋，味道濃郁又充滿咸香。