松記糖水店 (已結業)

今晚同朋友去睇电影，睇完個個都話餓，有個就話特別想食松記糖水嘅甜品，好吧，我承認我都想食喇，咁就一齊坐車過去喇，以為咁夜應該無咩人喇，但去到都系要排隊，不過今次好彩唔系等好耐，十五分鐘就到我地喇。芒果綿綿冰每次都會點，冬天食冰真系另一種感覺，好濃厚嘅芒果味，冰沙做得好正，無冰渣，食落好滑，椰果好爽，總之呢款每一樣都好好食。芝士蛋糕，芝士控嘅一定要點啊，無睇呢間店仔細細，但食材全部都好新鮮，芝士味好重，蛋糕好香蛋味同奶味，蛋糕軟綿綿，食落好香滑。榴蓮班戟，今次D皮整得無咁香滑，但榴蓮肉依然都系咁大舊，而且好香好甜，都算OK喇，其他甜品味道都幾好嘅。