丼丼亭 (已結業)

黃埔地鐵通車後原來真係好方便，出九龍去旺角尖沙咀人多又要等位食飯，前兩日探屋企人叫我不如留番響黃埔食啦，咁就隨便食左呢間。家人真係好鍾意食火鍋，食日本野都要叫兩個火鍋。牛肉涮涮鍋（$118）係我至愛，問左佢地選用安格斯牛肉，肉質不似一般快餐店牛肉，不比火鍋店失色，就必食。另一個係松葉蟹海鮮鍋，平日去食日本野食海鮮都會唸唸價錢，見到只係$168有四隻大大支松葉蟹腳好感動，食落口貨真價實厚肉，湯底是只帶點微微梅子湯底，配搭新鮮。叫牛肉鍋定海鮮鍋真係各有所好，食完真係飽到上心口，想坐得舒服又價錢優惠又真係不錯選擇。另見到menu其他食品都好吸引，好想快點再來試試其他，但原來只有九龍兩間分店，如果港島有分店就更perfect。