影片
更多
2017-02-26
338 浏览
已係第二次黎九重鮮，今次叫左個超班套餐，集日韓於一餐，係極上鮮活松葉蟹雪濃湯海鮮塔，仲送埋和牛一份。好期待。比我地望吓原隻鮮活松葉蟹先, 好生猛，蟹鉗郁郁吓，好大隻。上左粥底鍋再上震撼既海鮮塔。第一層要等溫度去到85度，第一層係和牛。和牛薄切，入口即溶牛味香濃，墊底一片蘿蔔片，爽口超鮮甜多汁，仲用荷葉鋪底，保留肉汁。之後到第二層，要蒸到95度，海鮮大雜燴，有爽口彈牙既蝦，蜆夠鮮甜，八爪魚鬚，花螺，最特別係蒸木瓜，我地仲以為係南瓜添，好清甜。到食重頭戲，松葉蟹，先食蟹腳，又長又厚肉，蟹棒一絲絲好有口感，到蟹身，勁多膏，夠香滑，蟹肉又夠鮮甜，啖啖肉。下一層係蟹蓋, 南瓜, 仲有超甜的蕃薯同南瓜, 蟹蓋底係福袋, 像蟹子魚蛋般。下一層係青口，邊位爽口，另一驚訝係成串花膠，好黏口，唔腥，墊埋魚蛋，好夾，將本身淡味的花膠帶出個鮮甜味。已好滿足既海鮮盛宴，到下一層係不同蔬菜，剛好中和返，更有日本玉子，各種菜都吸收了上幾層的海鮮精華，可即時回味。最後期待既粥底，有幾隻花甲及滲了海鮮精華，鮮甜呀！試了原味，又可加韓式配料有紫菜，酸蘿白，同大蒜。不禁令人食多兩碗。而飲品試了芒果有氣啤酒，甜甜地濃度唔高，
已係第二次黎九重鮮，今次叫左個超班套餐，集日韓於一餐，係極上鮮活松葉蟹雪濃湯海鮮塔，仲送埋和牛一份。好期待。比我地望吓原隻鮮活松葉蟹先, 好生猛，蟹鉗郁郁吓，好大隻。
上左粥底鍋再上震撼既海鮮塔。
第一層要等溫度去到85度，第一層係和牛。和牛薄切，入口即溶牛味香濃，墊底一片蘿蔔片，爽口超鮮甜多汁，仲用荷葉鋪底，保留肉汁。
之後到第二層，要蒸到95度，海鮮大雜燴，有爽口彈牙既蝦，蜆夠鮮甜，八爪魚鬚，花螺，最特別係蒸木瓜，我地仲以為係南瓜添，好清甜。
到食重頭戲，松葉蟹，先食蟹腳，又長又厚肉，蟹棒一絲絲好有口感，
到蟹身，勁多膏，夠香滑，蟹肉又夠鮮甜，啖啖肉。
下一層係蟹蓋, 南瓜, 仲有超甜的蕃薯同南瓜, 蟹蓋底係福袋, 像蟹子魚蛋般。
下一層係青口，邊位爽口，另一驚訝係成串花膠，好黏口，唔腥，墊埋魚蛋，好夾，將本身淡味的花膠帶出個鮮甜味。
已好滿足既海鮮盛宴，到下一層係不同蔬菜，剛好中和返，更有日本玉子，各種菜都吸收了上幾層的海鮮精華，可即時回味。
最後期待既粥底，有幾隻花甲及滲了海鮮精華，鮮甜呀！試了原味，又可加韓式配料有紫菜，酸蘿白，同大蒜。不禁令人食多兩碗。而飲品試了芒果有氣啤酒，甜甜地濃度唔高，解渴呀！
埋單每人都係三百幾夠晒超值，成隻松葉蟹喎，又有和牛，抵食。
张贴
