和平飯店 (大本型)

营业中

休息中

同家人嚟到大本型和平飯店，必試松子桂花魚，因為酸酸甜甜好好食，肉質鮮嫩。多人食一定要嗌一條。小籠包多汁皮薄。上海回鍋肉都幾好食但係我覺得有點太油。因為天氣轉涼見到有胡椒豬肚雞湯就嗌咗嚟試。原來都幾大煲，四個人每人可以飲到幾碗，胡椒味重，豬肚夠爽，超好飲。因為有小朋友所以嗌咗一個賽螃蟹，蛋白好滑，味道剛好唔太咸，小朋友好鍾意食。最後嗌咗一個高力豆沙做甜品，但係有啲失望因為以為個皮會熱，點知係微暖，不過紅豆餡都幾好食。職員嘅服務態度幾好，有攞一個籃畀我放袋，而且疫情期間有專人嚟收碟，所以上菜同收碟會係唔同職員，做得幾好。