影片
更多
2023-02-26
80 浏览
火車頭好有水準，湯頭好清甜，食得出真係熬好多個鐘而唔係味精嘅鹹，就算配料都好認真好高質，有安格斯牛小排、牛筋、扎肉、熟牛肉同牛丸，未試過食一碗火車頭係配料仲多過河粉！河粉好滑，唔係油林林嗰隻。整體黎講質量好高， $99一碗絕對值！沙律選擇唔多得兩款，所以揀個清新消滯嘅越式雞絲扎肉牙車快，賣相幾靚，味道正常。主菜係香茅咖喱醬燒牛肋骨，可惜佢冇跟法包嘅選擇，只可以加配油炸鬼，因為都怕油膩所以冇配油炸鬼。成尺長嘅牛肋骨，啲肉都有兩吋厚，起初都驚會韌，點知原來炆得好淋，肉質好軟，某啲位置仲連住少少肥膏，個咖喱係東南亞嗰種，偏杰身嘅。如果跟飯，呢個汁送飯一流！飲品叫左杯牛油果生椰乳，椰乳好香滑，已叫左少冰，但黎到都係略多冰。杯飲品好多牛油果肉，加埋椰乳同cream，一口氣已飲左半杯。東涌冇乜好食嘅越南菜，呢間我會再幫襯！
沙律選擇唔多得兩款，所以揀個清新消滯嘅越式雞絲扎肉牙車快，賣相幾靚，味道正常。
主菜係香茅咖喱醬燒牛肋骨，可惜佢冇跟法包嘅選擇，只可以加配油炸鬼，因為都怕油膩所以冇配油炸鬼。成尺長嘅牛肋骨，啲肉都有兩吋厚，起初都驚會韌，點知原來炆得好淋，肉質好軟，某啲位置仲連住少少肥膏，個咖喱係東南亞嗰種，偏杰身嘅。如果跟飯，呢個汁送飯一流！
飲品叫左杯牛油果生椰乳，椰乳好香滑，已叫左少冰，但黎到都係略多冰。杯飲品好多牛油果肉，加埋椰乳同cream，一口氣已飲左半杯。
東涌冇乜好食嘅越南菜，呢間我會再幫襯！
张贴
