Ocio (東港城) (已結業)

喺東港城商場入邊2樓，shopping 行得攰想搵啲Cafe食下野，有午市套餐好抵食，而且坐得舒服，見到坐full晒，應該唔錯所以試吓。日式咖喱吉列雞扒飯$65有滿滿嘅日式咖喱汁，切好咗嘅吉列雞扒，味道唔錯，仲配有蕃茄生菜沙律，健康開胃。封煎鯛魚柳配香草忌廉薯蓉$78呢個推介，鯛魚柳好大塊，而且肉質鮮甜，配埋薯蓉同蕃茄生菜沙律，味道好夾。加$19精選蛋糕一件（藍莓芝士蛋糕）蛋糕有唔同口味，揀左藍莓芝士蛋糕，芝士蛋糕幼滑，上邊有藍莓醬，正！整體而言唔錯，下次會再嚟食，因為好抵食而且味道OK，除咗可以加芝士蛋糕之外仲可以加其他小食，配搭較多。