The Upper Deck (裝修中)

東涌沿着海邊鄰近星級酒店有間全海景的西餐廳「Upper Deck Bar & Grill」。入內有一張美式足球枱放置餐廳中心點，非常搶眼。 L型落地玻璃設計，光線十足。角落位置有個stage 擺放樂器🎸🥁 🎹，晚間仲有Live Band。今日週末, 餐廳提供早午餐Brunch $348一位， 首菜任選一，當中包括沙律🥗，全日早餐，奄列，健康餐單等等。主菜可選一款, 有意粉, 肉類, 飯，三文治, 漢堡包或者今日廚師精選。仲有甜品及飲品選擇。Jumbo breakfast 🍳 同all day breakfast 一樣, 有煙肉, 疍，腸，茄汁豆，薯角，蘑菇，蕃茄及多士，非常豐富。Penne with Pesto 廚師精選香草醬Pesto 混入橄欖油，芝士粉再加上松子仁，非常健康又美味。Love Boat Mocktail (extra +$38)菠蘿汁, 青檸汁加西柚汁, 味道清新，香甜, 非常開胃甜品意大利蛋糕 tiramisu 軟滑，芝士味同酒味剛剛好週末享受個brunch又有全海景景觀, 真系好寫意。