六小館 (已結業)

今日有朋友移民英國😭，將會有一段時間未能見面。到機場送別後，機場餐廳幾乎絕跡，唯有去東涌東薈城醫肚。🤔東薈城名店倉中菜不多，行到戲院附近，有一間裝修前衛嘅中菜，主要食新派菜。座位闊落，坐得舒服。🟠叫左兩個小食：味噌日本南瓜$108，第一次品嚐以味噌煮南瓜，甜中帶香，連皮食入口粉嫩，應覺健康。青筍拌小雲耳$78，黑醋淹漬窩筍及小雲耳，味道酸酸甜甜好開胃，窩筍清爽脆口，必食前菜。🟠主菜點左非常重口味嘅水煮鮮牛雜$228，聽到鮮牛雜立即feel 到呢個煮法唔簡單，通常急凍貨先要用重調味。估唔到呢個主菜，牛腩同牛雜燘煮入味又軟淋，仍然食到牛肉鮮味，而且份量唔少。窩底有大量寬粉，足夠兩至四人食量。🟠最後以一個鮮蝦炒新竹米粉作結，米粉用左大量爽口新鮮蝦仁，新竹米粉炒得乾身爽口，清淡中帶鮮味。平實外表，內涵豐富。