Cabana Breeze (已結業)

而家冇得離開香港，唯有周圍搜羅異國風情嘅餐廳，感受下異國情調~呢間位於東涌喜來登酒店附近嘅Cabana Breeze，有室內同埋室外嘅位置，室內設置係華麗宮廷風，仲有好有格調嘅吧枱位置，露天竹籃座位就特別有峇里島渡假feel，外面仲有一片草地，chill爆😌松露白汁意大利麵$188呢個卡邦尼意粉醬汁好Creamy，扁意粉軟硬適中，彈牙有咬口，好掛汁，醬汁仲有濃濃嘅松露味道，入面仲有香脆嘅煙肉，好美味呀😋慢烤豬肋骨$208（半份）半份都足夠兩個人食，仲有好多薯條添！慢烤豬肋骨唔會韌，烤得恰到好處，好容易切開。Exotic Breeze$48上面有一把小紙傘，充滿熱帶風情嘅造型，同環境相當配搭！呢杯飲品係由熱情果、芒果、菠蘿、香蕉、青檸同埋檸檬汁配搭製成，酸酸甜甜咁樣，味道好豐富。