La Vista

放假冇得出國外去旅行🧳，唔緊要去下東涌行下街食下野去下staycation 當去左旅行🧳啦，咁啱上網見到有間叫「La Vista」係一間墨西哥餐廳，位置在Sheraton 酒店🏨隔離。餐廳🍴有啲位置係可以望到海真係好chill 好正。Empanadas 係有啲似餃子🥟嘅肉餡餅，而餡料就包咗芝士及蘑菇碎。墨西哥燒豬肉呢個燒豬肉配料到幾多，有紅黃綠燈籠椒🫑及洋蔥，墨西哥薄餅皮，最鐘意係佢果三隻醬，蕃茄醬莎莎，牛油果醬及酸忌廉混醬溝埋啲肉到味道更豐富。烤牛肉粟米卷餅呢個卷餅皮係用粟米粉做，所以食落每一啖都好香粟米味，依個牛肉炙烤得啱啱好，一咬落去就必晒啲肉汁出嚟👍🏻👍🏻。墨西哥芝士鍋呢個餸真係勁好味😋，勁多拉絲芝士配埋果辣肉腸碎，不過過辣肉腸碎都幾辣🌶️。