影片
更多
2009-11-26
83 浏览
周一在北角，見都有成年幾無去過渣華街市食飯，就行去睇下咩光景﹗門口那間超難食的小炒仲未執，行入入面就係東寶，本來諗住試下新翠華，點知行到最尾見到有間用盆栽隔住自成一角的小炒店，貪新鮮的我倆當然入去試下。環境雖然依舊係街市市政大樓，不過就有0的花心思在布置與裝修上，椅子是用木製的板凳，枱則用上大花紅紅的膠枱布，餐具亦看得見心思，一式過用醒神的公雞圖案，帶點古色古香。店名叫店小二，不過後面都係東寶，應該是東寶的高級版吧﹗看看餐牌，食物的款式都幾多，全部同出面東寶不同的，我相信佢想做到各有特色，食多支水﹗不過有個問題就係我唔食魚，又唔食羊，餐牌內不少食物都係魚類，搞到我無咩好揀，不過最後都食左四樣野﹗先來一個芝士蕃茄豬仔包，街市有焗麵包吃真係趣緻，豬仔包不是硬豬是軟豬，即叫即焗上枱仍有一定溫度，微焦芝士粉的味道香濃芳郁，蕃茄清甜，相當好食，係嫌佢真係的骰左少少。待應著得整齊醒目，同出面東寶的待應有天壤之別，禮貌十足又主動，佢話佢地出名鱷魚肉，本來一客五串我地都覺得太多，待應竟話叫我地試下，一人來一串計番數，咁就得我地梗係試下啦﹗鱷魚肉之前在越南吃過炭烤的，味道已忘記﹔這次燒的口感界乎於雞肉與
門口那間超難食的小炒仲未執，行入入面就係東寶，本來諗住試下新翠華，點知行到最尾見到有間用盆栽隔住自成一角的小炒店，貪新鮮的我倆當然入去試下。
環境雖然依舊係街市市政大樓，不過就有0的花心思在布置與裝修上，椅子是用木製的板凳，枱則用上大花紅紅的膠枱布，餐具亦看得見心思，一式過用醒神的公雞圖案，帶點古色古香。
店名叫店小二，不過後面都係東寶，應該是東寶的高級版吧﹗
看看餐牌，食物的款式都幾多，全部同出面東寶不同的，我相信佢想做到各有特色，食多支水﹗不過有個問題就係我唔食魚，又唔食羊，餐牌內不少食物都係魚類，搞到我無咩好揀，不過最後都食左四樣野﹗
先來一個芝士蕃茄豬仔包，街市有焗麵包吃真係趣緻，豬仔包不是硬豬是軟豬，即叫即焗上枱仍有一定溫度，微焦芝士粉的味道香濃芳郁，蕃茄清甜，相當好食，係嫌佢真係的骰左少少。
待應著得整齊醒目，同出面東寶的待應有天壤之別，禮貌十足又主動，佢話佢地出名鱷魚肉，本來一客五串我地都覺得太多，待應竟話叫我地試下，一人來一串計番數，咁就得我地梗係試下啦﹗
鱷魚肉之前在越南吃過炭烤的，味道已忘記﹔這次燒的口感界乎於雞肉與豬肉之間，肉質結實，味道有種特別的香羶味，挺特別還不錯吧，可以一試﹗
之後是露筍大蔥釀雞翼，呢個餸食家自己0係屋企煮過，推0的雞骨出來真有一定難度又費神，來這兒吃一定更好，雞翼煎得外皮香脆，帶濃郁蜜糖味，露筍大蔥兩者我也喜愛，夾著雞翼同吃口感清新，除去了煎雞的油膩感，蘸少少佢既蜜塘柚子醬同吃，好味﹗
最後一味是蒙古烤豬仔骨，牛仔骨就成日食豬仔好似無咩食過，豬仔骨骨很幼，賣相的骰多肉，睇到肉上下了不少香料，豬仔肉肉質嫩烤焦味香濃，如怕豬的羶味有孜然粉灑上同吃，食家話估不到豬仔骨可以燒得咁靚，讚﹗
就係食左呢四樣野，埋單180蚊左右，不算太貴﹗
食物有質素服務亦好，用料配搭新鮮，走進此店完全唔覺有0係街市食飯既感覺，有機會來渣華街市吃厭了東寶外，可以一試這間店小二﹗
张贴
