東寶小館 (已搬遷) 新店位置

近幾年的我嘅生日飯都喜歡同一班好同事去東寶聚聚兼吹水。「東寶」呢個名已經成為吹水飯局的指定食店！每次去到望住餐牌都會諗到頭都大，因為樣樣都好想食，好在老闆推介左一啲必食菜式，解決左我地嘅選擇困難症！飯前小食先黎一碟梅菜茄子同青瓜魷魚沙律。呢個沙律好清新，混有有些少芥末味。老闆又推介粉絲蝦煲，粉絲食落微辣又爽口，非常惹味！另一味就係令我呢個唔鐘意食蠔嘅人都會愛上的黃金炸生蠔。金黃嘅咸蛋黃包住大大隻生蠔，再用新鮮大塊嘅生菜包住黎食，個種感覺簡直難以用文字去形容，一定要親身試下。最後要講下我地今次飯局必食--瀨尿蝦。大大隻又啖啖肉，老闆仲親自埋黎教點樣扭兩扭就可以將瀨尿蝦食得乾乾淨淨！東寶--我會再黎架！