八沢 (筲箕灣東大街)

营业中

休息中

今次係朋友仔約我去筲箕灣食個日本野。入到去，裝飾格局有少許日本風，座位有啲逼，但係我哋兩個大人有得食就冇咩所謂。我哋叫左自家製薑蜜、冰糖紅棗雪梨茶、一桶厚燒鰻魚玉子飯同黑豚生蠔燒。自家製薑蜜﹕有薑味、蜜糖味，仲有好多薑粒唷！如果薑味再重啲就更正。冰糖紅棗雪梨茶﹕見到有2件雪梨片同紅棗，足料，飲完後，個人感覺即時潤左。一桶厚燒鰻魚玉子飯﹕食完依一桶飯係可以唔洗食其他野。桶飯可以分到至少6小碗，鰻魚肉質感厚身大件，鰻魚汁好多呀，配上大塊玉子加飯，好正。黑豚生蠔燒﹕黑豚肉有香口的感覺，生蠔質感爽口，不太乾。