泰一 (已結業)

筲箕灣東大街, 真係一個美食天堂, 你想食世界各地嘅食物都有, 有西餐,有中菜,有日本菜,仲有泰國菜添, 今日去咗間泰國菜新開嘅舖頭, 同朋友一齊,享受享受餐廳非常之寬廣, 有大電視睇添, 仲喺樓上雅坐, 邊睇住電視, 邊食飯, 夠享受我幾欣賞佢既蝦類食物, 叫咗個泰式生蝦, 加咗薄荷葉, 再加辣椒, 再加蒜片, 辣椒既辣, 蒜片香, 集於一身, 再加埋薄荅一齊食, 冇得頂第二樣最欣賞嘅就係佢嘅, 都係蝦, 係炒泰式大頭蝦, 有三隻嘅, 佢斬開一半, 方便大家食, 帶左手套, 用手嚟食, 特別滋味, 金黃色嘅燒大蝦, 佢嘅大頭蝦嘅蝦膏好多, 非常creamy, 外面鋪滿咗蒜蓉, 佢嘅蒜蓉令蝦肉好惹味, 肉質彈牙, 正