影片
更多
2009-06-08
87 浏览
星期六考完試, 由金鐘急急腳落灣仔元味。兩年前左右開始喜歡此店, 小小的店舖, 開放式的門口, 時有人排隊 (因為得5個座位), 入座之後背向大街, 車來車往, 都有少少沙塵滾滾。冬天尚可, 如果夏天來臨, 真係冷氣唔多夠時, 分分鐘食到流哂大汗。一向以來, 但凡經過灣仔, 都會心思思走去食, 有位就即食, 要等位就外賣食, 甚至食完再外賣俾屋企人食。雖然老闆東哥的衛生麻麻, 切切下魚生, 又收錢, 摸完張銀紙唔洗手又再切過。小弟都睇在平價, 大舊魚生, 新鮮好味的三個基本原則下, 將衛生呢兩個字踢埋一邊, 總之食完無肚疴就算。如是者, 幫襯左都有十零廿次。最喜愛呢間舖的大粒帶子, 活赤貝&大舊三文魚。今次隔得耐無黎, 好懷念, 真係抱有期待咁番黎...下午3點, 無人? 未試過咁筍！東哥俾張紙我睇, 話多左野食, 哈, 而家有燒烤, 仲有蟹膏, 蟶子皇等等...女友話先來例牌一定叫的個壽司B併盤, 叫我慢慢再睇, 真係心急。不消一會已到, 但發現...細份左！望落無咁新鮮！一食之下, 真係差左好多！小弟&女友唔係大食份子, 細份左無傷干, 但食落真係好差下, 仲差過元祿！肉質下降及鮮
兩年前左右開始喜歡此店, 小小的店舖, 開放式的門口, 時有人排隊 (因為得5個座位), 入座之後背向大街, 車來車往, 都有少少沙塵滾滾。
冬天尚可, 如果夏天來臨, 真係冷氣唔多夠時, 分分鐘食到流哂大汗。
一向以來, 但凡經過灣仔, 都會心思思走去食, 有位就即食, 要等位就外賣食, 甚至食完再外賣俾屋企人食。
雖然老闆東哥的衛生麻麻, 切切下魚生, 又收錢, 摸完張銀紙唔洗手又再切過。小弟都睇在平價, 大舊魚生, 新鮮好味的三個基本原則下, 將衛生呢兩個字踢埋一邊, 總之食完無肚疴就算。如是者, 幫襯左都有十零廿次。
最喜愛呢間舖的大粒帶子, 活赤貝&大舊三文魚。今次隔得耐無黎, 好懷念, 真係抱有期待咁番黎...
下午3點, 無人? 未試過咁筍！
東哥俾張紙我睇, 話多左野食, 哈, 而家有燒烤, 仲有蟹膏, 蟶子皇等等...
女友話先來例牌一定叫的個壽司B併盤, 叫我慢慢再睇, 真係心急。
不消一會已到, 但發現...細份左！望落無咁新鮮！
一食之下, 真係差左好多！小弟&女友唔係大食份子, 細份左無傷干, 但食落真係好差下, 仲差過元祿！肉質下降及鮮味完全欠奉！
真係越大期待就越失望！再望下個凍柜入面, 發現幾條三文魚肉已經有少許變色了(唔新鮮), 好後悔入座點菜, 如果一早有望個凍柜, 我一定唔會坐低。
本來仲想叫個蟹籽沙律, 再plus個蟶子皇, 而家算囉, 草草食完埋單。
心情真係極度失落！得舊蛋壽司合格！想喊！
我的平價好味抵食魚生店啊！東哥你搞乜鬼野呀？？？！
张贴