影片
更多
2018-01-13
72 浏览
「本周天氣持續寒冷」⋯⋯肚餓之際聽到呢句，除咗打邊爐都唔知食乜好(其實根本就四季都鍾意打邊爐，只係冬天更加瘋狂)。餐廳係食東南亞菜，主要係星加坡同泰國菜，所以湯底除左一般嘅芫茜湯、麻辣湯之外，仲有東南亞代表嘅喇沙湯、河內牛湯、肉骨茶(可選藥材或胡椒)同冬蔭公湯。配料就唔見有咩東南亞特色美食，不過選擇都算多嘅。我地有啲人唔食辣，所以就揀咗【肉骨茶藥材$98】。玉竹、杞子等材料都幾多，肉都軟腍同肉味濃，不過藥材味就真係冇乜。餐廳都幾貼心，每枱都俾左一壺檸檬水，仲係溫熱嘅，俾食客暖暖身，清清味道。醬料選擇都唔多，建議加返啲東南亞特色醬料，例如沙茶、咖哩、沙嗲。【招牌手切本地肥牛大$298】份量適中，肉質鮮嫩，脂肪多，食落略帶少少羶味，不過牛味足，感覺價錢有啲貴。【極品西班牙豚肉$148】脂肪多所以食落好嫩滑，肉味亦相當豐富。【脆鯇魚脖$68】入口極鮮爽，咬落去「嗦嗦」聲，真正「脆」鯇，魚鮮味十足。【海蝦$128】總共8串，晶瑩剔透，味道本就鮮甜，配上甜甜地嘅肉骨茶湯鮮甜味加倍。【響鈴卷$58】炸得鬆脆，擺落湯幾秒就食得，吸收晒肉骨茶甜味，正。【唐蒿$38】打邊爐點都要叫菜，均衡飲食。【芝士墨
餐廳係食東南亞菜，主要係星加坡同泰國菜，所以湯底除左一般嘅芫茜湯、麻辣湯之外，仲有東南亞代表嘅喇沙湯、河內牛湯、肉骨茶(可選藥材或胡椒)同冬蔭公湯。配料就唔見有咩東南亞特色美食，不過選擇都算多嘅。
我地有啲人唔食辣，所以就揀咗【肉骨茶藥材$98】。玉竹、杞子等材料都幾多，肉都軟腍同肉味濃，不過藥材味就真係冇乜。
餐廳都幾貼心，每枱都俾左一壺檸檬水，仲係溫熱嘅，俾食客暖暖身，清清味道。
醬料選擇都唔多，建議加返啲東南亞特色醬料，例如沙茶、咖哩、沙嗲。
【招牌手切本地肥牛大$298】份量適中，肉質鮮嫩，脂肪多，食落略帶少少羶味，不過牛味足，感覺價錢有啲貴。
【極品西班牙豚肉$148】脂肪多所以食落好嫩滑，肉味亦相當豐富。
【脆鯇魚脖$68】入口極鮮爽，咬落去「嗦嗦」聲，真正「脆」鯇，魚鮮味十足。
【海蝦$128】總共8串，晶瑩剔透，味道本就鮮甜，配上甜甜地嘅肉骨茶湯鮮甜味加倍。
【響鈴卷$58】炸得鬆脆，擺落湯幾秒就食得，吸收晒肉骨茶甜味，正。
【唐蒿$38】打邊爐點都要叫菜，均衡飲食。
【芝士墨魚丸$128】總共12粒，口感彈牙，不過芝士分佈不太平均，有啲只食到少少芝士。
食飽飽，夠暖身。如果加返多啲東南亞特色火鍋配料、醬汁，配合返餐廳嘅東南亞風味，咁就更加能脫穎而出。
张贴
