圍威喂 (誠信中心) (已結業)

早2日去荔枝角行街，同行朋友介紹食呢間圍威喂，淨聽個名都覺得特別。因為我未試過嘅關係，所以等朋友話事。嗌左濕炒雞絲河，蒜蓉牛油雞翼，青咖哩生滾雞球飯。蒜蓉牛油雞翼： 招牌菜。好重牛油味，好香口。濕炒雞絲河 ： 炒得好有鑊氣，仲好多配料添。青咖哩生滾雞球配飯 ： 最有驚喜，有椰香味，雞球嫩滑，啲汁好惹味，送飯一流！岩晒唔食得辣嘅朋友。特別一提，除左食物環境都唔錯之外，呢到嘅老闆好親切，係一間充滿人情味嘅餐廳。