新泰東南亞餐廳 (興旺閣)

营业中

休息中

今日喺灣仔兩個人食午餐，叫嘅款式唔會太多，主要揀啲小食，希望是幾款唔同嘅菜式。第一味係「羊肉串燒」，羊肉厚切大大件，食入口好嫩滑，仲有炭燒嘅香味，再配合沙嗲醬，充滿泰式風味，非常推介。食泰國嘢，一定要炒番碟菜，最common係「馬拉盞炒通菜」，通菜非常鮮嫩，馬拉盞少少辣，好惹味。主食㨂左「南瓜海鮮焗飯」，比想像中大，四個人都夠食。焗飯即叫即做，非常新鮮熱辣，飯入邊加椰汁，所以好香，而且有好多海鮮，真係用了十足。除此之外，南瓜入邊仲有好多南瓜肉，鍾意食南瓜嘅，可以慢慢用匙羹攞晒周邊嘅南瓜肉出嚟，超正。接着，叫咗一鍋「肉骨茶」，入面有嫩滑嘅排骨，湯底好香濃，好地道嘅風味。飲品方面，非常推介「椰青沙冰」，用新鮮椰青製成沙冰，非常清甜可口，非常解渴，而且大大杯，好抵飲。