活一鮮 (已結業)

好耐又來到東區，今次都係喺北角食日本餐!唔想去呢間嘢，我係2019年都有幫襯過！今次再嚟幫襯返，發覺比上次更加好食！今次用餐我係叫咗個三文魚親子飯，裏面有三文魚刺身同埋三文魚子！份量都係適中至頗多！三文魚都厚切，而且都好新鮮，都幾鮮甜！三文魚子都幾多，而且都唔腥嘅！而且佢包埋前菜，有沙律，有麵豉湯！麵豉湯係非常之有驚喜！佢嘅味道雖然就唔係好濃，但飲得出佢係自己滾，仲放咗啲魚落去滾，咁突顯個湯個鮮味又係一個加分為！前菜係豆腐，豆腐加上芝麻醬，食落去凍，但好香都好甜甜地！沙律個沙律醬都好食，鹹鹹地！而且啲菜好新鮮！而且服務態度都唔錯！有機會再嚟食過！